Lekhak hui isliye sirf insan nhi [ ASEEMIT HUI]

Lekhak hui isliye sirf insan nhi [ ASEEMIT HUI]

Kala ke bhukhe narak mai 

Mai rachna ko aaag laga dungi

Hawas ke jhoothe tark mai

Mai vachno ko yuh jala dungi

Sare bazar , char somvar , 

Bikegi , banegi, bhujhegi , bategi 

Fir khatam aur neelam ho jaaegi

 

Meri ungliyo ki aag 

Mere dimag ka vo bhag

Mere chashme ka vo chirag 

Aur mere dil ka vo dag 

Tab koi aur likhega 

Fir koi aur bikega

Manto ke muzrim , Shakespeare ki aaulad

Kalidas ke kankal , deendyal ka damad 

Mahadevi ki mrityu, harivanshrai ke halat  

Harishankar ki hatheli, sharad joshi ki santan.

Barni ki betabi, khusru ka khitab 

Bhukhari ka bhukhar, jaun eliya ki awaz 

Ibn ki ibadat, iqbal ki kya mazal?

Dharamveer ki dhara, aur amrita pritam ke aashiq imroz ki fir hui halat kharab.

Mai kaunsa alag hui?

Likhne ki chah rakhne vali 

Paanch ungliya,

 1 dimag , 1 dil ki hi to sanak hui.

Manti hui croro ko mera kam pasand aaega 

Par mere kam karne ki prerna nhi 

Janti hui tum bhi padhoge , fir aage badhoge 

Par kabhi paltoge nhi 

Kaunsa mai tumhari zimmedari hui 

Kaunsa mera likhna krantikari hai

Kaunsa mera kalam janhit mai jari hai

Aur vaise bhi tumhe to social media par vakt barbad karne ki bahut badi bimari hai [reels dekhkar]

Lekhak hui , rachnatmak to houngi

Par manoranjan ke liye nhi likhti 

Lekhak hui , to rato ko jaagti bhi zaroor houngi 

Par din mai bhi chain se so nhi paati 

Rato ko kalam jagata hai, 

Din mai samaj 

Shamo ko kitabo jagati hai

Aur dophar mai mere kudh ke halat 

Shantanu banana ki hod mai 

Shakuni mat ban jana 

Kaviyo ki daud mai 

Insan ho ye mat bhool jana

Kabhi rato ko so bhi jana 

Kabhi din mai susta bhi lena 

Kabhi dophar mai jhapki lelena 

Aur kabhi sham mai masta bhi lena

Lekhak hui bhagvan nhi

Lekhak hui haivan nhi

Lekhak hui par anjan nhi

Lekhak hui isliye sirf insan nhi [ASEEMIT HUI].

Dhanyavad