AURAT ZAAT

AURAT ZAAT

 

Ye aurat zaat kya hai?

 Par aurat ki koi zaat hi nhi.

 Aurat to aurat hai,

 vo to sab kuch hai .

 

zamane ki zanjeero ko banane ,

aur bandhane vali,

 kinare aur samnadar ,

 dono par hi lahro ko sambhalne vali.

 

Jab aurat kare ishq , to kya vo ishq hota hai?

 Kya vo ibadat nhi ho jaati?

Jab vo karein pyaar,

 tab vo tirth kyu nhi kahlati?

 

 Jab vo bane mazboot ,

 to vo kya poore sansar se nhi lad jaati?

Jab vo bahae ashq,

To kya vo sailab nhi le aati?

 

Vo to aurat hai janab ,

Vo insan thodi hai

Vo insan ki tarah

 aam thodi hai.

 

Jab vo likhe harf,

To vo kya vo hararat nhi ban jaati?

Jab vo poche aason,

To kya vo tumhare sath nhi ro jaati?

 

Jab vo dilae dilasa,

To kya vo tumhari takleef ko nhi thahrati?

Jab vo kare adhyayayn,

To kya vo vo kavita nhi ban jaati?

 

Jab vo dekhe ek nazar,

To kya vo mohabbat nhi kahlati?

Jab vo sunaye sangeet,

To kya vo kahaniyan nhi kah jaati?

 

Jab vo jaae barish mai,

To kya vo pighal jaati?

Jab vo pakde tumhara hath,

To kya vo basuri nhi najati.

 

Jab vo uthae use god mai,

Tab kya vo uski swayam maa nhi ban jaati?

Uski mamta , uski mohabbat,

Kyaa uski ruh nhi darshati?

 

Jab vo banae khana,

To kyaa vo rag nhi sulgati?

Jab vo khilae bhojhan,

To kya uski bhookh nhi marjaati?

 

Jab vo muskuraye,

To kya vo tumhe

 apne aap main,

tumhara sansar nhi dikhati?

 

Jab vo kalam uthae,

To kya vo kashish nhi ban jaati?

Jab vo karein kala,

To kya vo kudh kala sin hi nazar aati?

 

Jab vo hoe udaas,

To kya duniya nhi naraz nhi hojati?

Jab vo jhoome apni masti mai,

To kya vo bahar nhi le aati?

 

Vo to aurat hai janab ,

Vo insan thodi hai

Vo insan ki tarah

 aam thodi hai.

 

Jab uski aankho mai rosh utare,

To kya vo chandi nhi ban jaati?

Jab uski siyahi se aag nikale,

To kya vo chaar sansar jalakar , khak nhi kar jaati?

 

Jab vo na kuch kahe,

To kya dharti – aasman mai drare nhi padjaati?

Jab vo aae aage,

To kya vo maa durga nhi kahlati?

 

Jab vo bharein aankho mai jasba,

To kya vo jasbati hokar, apne anjam tak nhi pahuch pati?

Jab vo karein nishchay,

To kya vo har savitri nhi banjaati?

 

Jab vo karein mohabbat,

Tab kya vo sati nhi ban jaati?

Jab vo aae kalyan karne par,

To kyaa vo maha Lakshmi nhi kahlati?

 

Jab vo khae thokre,

To kya vo ahilya nhi ho jaati,

Jab uska vaqt ho bura,

To kya vo sita bankar dharti mai nhi samati?

 

Vo to aurat hai janab ,

Vo insan thodi hai

Vo insan ki tarah

 aam thodi hai.

 

Vo aurat hai janab,

Vo aadmi thodi hai,

Vo aadmi ki tarah

Jallad thodi hai?

 

Vo to aurat hai janab ,

Vo insan thodi hai

Vo mard ki tarah

 Aakhiri anjam thodi hai.

 

Vo to aurat hai janab ,

Vo insan thodi hai

Vo mashre ki tarah

Barbad thodi hai .

 

Vo to aurat hai janab ,

Vo insan thodi hai

Vo koi karne vala

 kam thodi hai.

 

Vo jeevit aur mrit thodi hai,

Vo kabil aur koshish ke beech ki aas thodi hai,

Vo galliyo ki khak thodi hai,

Vo aadmiyo ka tod kar fek dene vala gulab thodi hai,

 

Vo to aurat hai janab ,

Vo insan thodi hai

Vo kisi kamzor mard ki kamzor mahboot

Ka inqalab thodi hai?

 

 Leeza