kaun hui mai

Kaun hui mai

 

Kaun hui mai

 Shareer ya pran

 Shareer hai to hai kya? Rog ya sanyog?

 Ya prano mai jakda ek adhmra prayog

 Kya hai meri puratan katha

 Kya mai hi hui isi ka kathanak

 Hui kuan mai?

 Mahaveer ke anveshan mai

 Mrig ki kasturi pyaas huu

 Ya van van bhatak rha

 Savyam hi ke vachno ka das hui

 Kaun hui mai?

 Dashrath ka rudan vilap huu

 Ya bharat ka atihasik milap huu

 Ya maya janjal ko aabhushanon ki bhati grahan kar chuka

 Kakaiyi ka santap hui?

Ya kaushalya ki badnaseeb santan hui?

 Kaun hui mai?

 Yashomati ka ladla hui?

 Ya nand ka tiraskar huu?

 Radha ka ikrar huu ya

 Kans ka ahankar hui.

 Ya kanhaiya ka hi koi bichda yar hui

 Kaun hui mai

 Vishnu ka avatar hui?

 Ya lakshmi ka dhan ka vyapar hui

 Shiv ka gaurav huu

 Ya sati ke aarmadah ka kriyakalap hui

 Ganesh ke modak sa milansar hui

 Ya kartikyaya ke vijay ka hathiyar huu

 Kaun hui mai?

 Duryodhan ka gurur huu

 Ya abhimanyu ke sar ka fitoor hui

 Ya savyam ko hani pahuchata

 Karan sa majboor huu

 Kaun hui mai?

Durvasa ka shrap hui ,

Ya Shakuntala ka dushaynth ke prati aabhar hui .

Kaun hui mai?

 Shani ka prakop hui ya

 indra ka pralobh hui

 Ya raudra shiv ke charano mai

 Kamdev ka vilop hui.

 Kaun hui mai?

Eklavya ke sath hua pakshpat hui

Ya dronacharya ki bemani se bezar hui,

Kaun hui mai?

 Sukrat ka darshan hui

 Ya vedvyas ka lekhan hui

 Menka ka aakrashad huu

 Ya sheer sagar ke manthan mai sur asuro ka gharakshan huu

 Kaun hui mai?

Abhimanyu ka prakram hui,

Ya shravan kumar sa shashvat hui ,

Kaun hui mai?

 Geeta ka sar hui

 ya mahabharat ka mahasanghar hui

 Kali ka rosh hui

 Ya thokre khati ahilya ka udhar hui.

Kaun huu mai

Nachiket sa jigyasu hui,

Ya shishupal sa papi hui,

Kaun hui mai?

 Savitri ka upvas hui

 Ya nard ka parihas hui

Vedvyas sa pratapi hui,

Ya ganesh sa sanchalak hui,

Kaun hui mai?

 Ya maury ki shaury gatha ka bhakhan karta

 Chandragupta ka atihasic itihas hui

Kaun hui mai

Meera ki ekaki hui ya

 Kabeer ki bebaki hui

 Ya fir hath pr ada

 Prahlad ki gustakhi hui

 Kaun hui mai?

Dashrath ka vachan hui,

ya pandavo ka Vaibhav hui,

kaun hui mai?

 Uttara ki garbh hui ,

ya kesari nandan ka Sankalp hui

kaun hui mai ?

Lakshman sa aagyaakari hui,

Ya kauravo sa vyapari hui,

Kaun hui mai?

 

Arjun sa dhanurdhai hui,

Ya shri krishan sa hitkari hui,

Kaun hui mai?

Chanakya sa rajnitigya hui ,

Ya duryodhan sa pathbrasht hui,

Kaun hui?

 

Lahu ki tapish hui

 Ya jamane ki sajish hui

 Ya pal pal badalta

 Insan ka mastiksh hui

 Kaun hui mai

 Jangal ki aag huu

 Ya chandrama ka dag hui

 Ya aankho se chalakta

 Tansen ka rag huu

 Kaun hui mai

 Ravan ka atank hui ya

 Soopnakha ka prapanch hui

 Vibheeshan ka lanka vibhakti ka sankalp hui

 Ya kumbhakaran ki chah mas ki nidra ka aakhiri ansh hui

 Kaun hui mai

 Ashok ka dharam hui

 Ya akbar ka samaveshi satambh hui

 Manu ki smriti hui

 Ya maryada purushotam ki abhivyakti hui

 Kaun hui mai

 Kaun huu mai ya koi nhi

 Kuch to hui mai par kuch bhi nhi

 Kalam bhi hui mai aur shyad kagaz bhi

 Kasab bhi hui mai aur shyad koshish bhi

 Kangal bhi hui mai aur shayad kabil bhi

Ha shayd maksad nhi hui mai par safar to huu

 Ha tumhara aaj nhi huu shayad

 Par tumhara kal to huu

 Nhi vaastavikta nhi hui mai

 Par bharam to hui

 Muskan nhi huu mai

 Par tumhara ruyasa to hui

 Vidwan nhi hui mai

 Par gawar to hui

 Sayahi nhi hui mai

 Par shabad to hui

 Ha tumhari premika nhi hui mai

 Par samaj mai tumhari pratishtha to hui

 Haa kali hi sahi par vastavikta to hui