ANTIM

Kisi din to Mai marungi, 

Kisi din to ant hoga hi mera. 

Kisi din to maut meri chhati se lipat kar kahegi, 

Bahut hua jeevan yapan,

Kuch jeevan, jeevan ke bad ke liye bhi chodh do anuyayi, 

Aaj tumhari mrityu ka var hai

Aaj tumhara aakhiri somvar hai

Aaj tumhara antim akhbaar hai

Aaj tumhara antim aahar hai. 

Maine jab mrityu ko gaur se dekha, 

Mujhe kuch khas anubhav nhi hua, 

Laga hi nhi ye ant hai, 

Kahi ye koi nayi shuruwat ki jalsa to nhi? 

Kahi ye kisi se dobara mulakaat ka mutalba to nhi? 

Kahi ye agrim jeevan ko sugam karne ki pahal to nhi? 

Kya mar jana, manav ka ant hai? 

Kya manav ka maatr shareer rah jana, itna turant hai? 

Kya vapas kabhi laut kar na aa pana, ek shashvat sach hai? 

Kya brahmand ka chalak, manav sa Pathbrasht hai?

Vichar magan mrityu ne kaha, 

Jeevan ek bharam hai , 

manav ek chhal hai, 

bharamad ek mithya  hai, 

Aur ek matra ant hi to sach hai. 

Ant mai hi aantrik man basa hai, 

Ant mai hi srishti ka kal basa hai

Ant mai hi kaaynat ka vidroh adig hai

Ant ne hi to manav aur rakshas ka aisa roop racha hai. 

Mrityu koi ant nhi,

Jeevan bhi antim ho sakta hai, 

Jeevan koi shuruwat nhi

Mrityu bhi aagaz ho sakta hai

Vidhata koi  Sarvgayni nhi

Rachayita bhi vidhvansh ho sakta hai

Sneh koi chhalava nhi

Prem bhi satya jo sakta hai, 

Mrityu se vartalaap karke,

Sahsa jab mai uth khadi huui,

Tab meri antar drishti  ka prakash jagmaya

Manviy mulayo ka avlokan kar, 

Mrityu ko maine sahaj roop se yu gale lagaya

Ant hua jab mera

Ant hua kashto ka

Ant hua chehro ka

Ant hua savero ka 

Ant hua mulyo ka

Ant hua maulik ka

Mai  hua srishti ka

Mai hua sidhi ka 

Mai hua smriti ka

Mai hua mukti ka. 

Dhanyavaad